Jańa qaýly: Túrkistan oblysynda karantın jeńildedi
TÚRKІSTAN. QazAqparat – Túrkistan oblysynda karantın talaptary jeńildedi. Bul týraly Túrkistan oblysy boıynsha bas memlekettik sanıtarlyq dárigerdiń jańa qaýlysynan belgili boldy, dep habarlaıdy QazAqparat.
Túrkistan oblysynyń aýmaǵynda Sovid-19 ben vırýsty pnevmonııanyń aldyn-alý maqsatynda karantın men shekteý sharalaryn uzartý týraly Túrkistan oblysynyń Bas memlekettik sanıtarııalyq dárigeriniń №8 Qaýlysyna ózgerister engizildi.
Atalǵan ózgeristerge sáıkes, buǵan deıin tyıym salynǵan balalardyń oıyn-saýyq ortalyqtarynyń jumys isteýine ruqsat beriledi. Oıyn alańdary, jabyq úı jaılardaǵy attraktsıondar keletin adamdar sany ǵımarat syıymdylyǵynyń 30%-nan nemese 50 adamnan aspaǵan jaǵdaıda saǵat 09.00-den 22.00-ge deıin jumys isteı alady.
Sporttyq is-sharalar onda kelýshiler sany ǵımarat syıymdylyǵyn 20%-nan aspasa, bılıard, boýlıng jáne kompıýterlik klýbtardyń (toltyrylýy 30% artyq emes) jumys isteýine ruqsat etiledi.
Jumys ýaqyttaryna shekteý qoıylǵan azyq-túlik gıpermarketter, sýpermarketter, shaǵyn marketter, úı janyndaǵy dúkender, monshalarmen saýnalar, ashyq aýadaǵy attraktsıondar, bıznes-ortalyqtardyń (advokattyń, notarıýstyń, býhgalterdiń jáne konsaltıng qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary jáne t.b.), halyqtyń turýy boıynsha qyzmet kórsetý salasyndaǵy týrızm obektileri men uıymdardar (qonaq úıler, sanatorııler, demalys úıleri, týrıstik bazalar jáne t. b.) qalypty jaǵdaıda jumys isteıtin bolady.
Qoǵamdyq tamaqtaný obektileriniń jumys ýaqyty 22:00-den 24:00-ge deıin uzartyldy. Meıramhanalardyń banket zaldarynda as berýge ruqsat etildi. Degenmen toltyrýylýy 50%-ǵa deıin, 50 oryndyqtan aspaý qajet.
Buǵan deıin memlekettik organdardyń (uıymdardyń, kásiporyndardyń), kvazımemlekettik sektor organdarynyń, ulttyq kompanııalardyń, ózge de uıymdardyń, sondaı-aq kásipkerlik sýbektileriniń qyzmetkerleri 50% jumys istese endi 30%-y qashyqtan isteıdi.
Mádenıet obektileriniń (buryn 30) 50 adamǵa deıingi jeke, toptyq daıyndyqtar, kitaphanalardyń, murajaılardyń qyzmeti, teatrlar, kınoteatrlar, kontsert zaldary, fılarmonııalardyń qyzmeti tolymdylyǵy 20%-ǵa deıin bolsa, jańa Qaýlyǵa sáıkes tolymdylyǵy 30% bolady.
Fıtnes-ortalyqtar men sporttyq-saýyqtyrý ortalyqtarynyń qyzmeti saǵat 10.00-den 24.00-ge deıin bolady.
Sondaı-aq, sportshylar men jattyqtyrýshylar quramy COVID-19-ǵa qarsy vaktsınalaýdyń tolyq kýrsyn alǵanyn qujatpen rastaǵan jaǵdaıda oblystyq komandalardy daıyndaý úshin oqý-jattyǵý jıyndaryn qaıta bastaýǵa ruqsat etiledi.
