Jańa qaýly: Shymkentte erteńnen bastap karantındik shekteýler kúsheıtiledi

NUR-SULTAN. QazAqparat – Shymkent qalasynyń Bas memlekettik sanıtarlyq dárigeriniń jańa qaýlysy shyqty, dep habarlaıdy QazAqparat tilshisi.

Qaýlyda Shymkent qalasynda koronavırýstyq ınfektsııanyń taralýynyń aldyn alý shekteý sharalary 2021 jyldyń 2 maýsymynan bastap epıdemıologııalyq jaǵdaı turaqtalǵanǵa deıin uzartylatyny aıtylǵan.

Shekteý sharalary adamdardń kóp jınalýymen ótetin kez kelgen sharaǵa tyıym salýdy kózdeıdi. ıAǵnı, týǵan kúnder, mereıtoılar, shyǵaryp salý keshteri, qudalyq, toı, betashar jáne basqa kópshilik sharalardy ótkizýge tyıym salýdy kózdeıdi.

«2020-2021 oqý jylynyń sońǵy toqsanynda jumysty uıymdastyrý 300 oqýshysy bar qalalyq jáne aýyldyq mektepterde synyptardaǵy balalar sanyn 25 adamnan asyrmaı ótkizý usynylady. Jalpy bilim beretin mektepterde barlyq synyptardyń oqýshylary synyptardaǵy balalar sanyn 25 adamnan asyrmaı aralas formatta oqyta alady. Bilim berý mekemesine sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruksat beriledi», - dep jazylǵan qaýlyda.