Jańa qaýly: Shyǵys Qazaqstanda avtobýstar kún saıyn júretin boldy
ShQO bas memlekettik sanıtar dárigeriniń jańa qaýlysy jarııalandy.
Onda jazylǵandaı, óńir boıynsha karantın 21 qyrkúıekke deıin uzartyldy.
Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
«Qalalar men aýdandardaǵy obektiler óz qyzmetin «sary aımaq» úshin kórsetilgen talaptar negizinde jalǵastyrady. Jumysshylar arasynda COVID-19 ınfektsııasynyń taralý qaýpin azaıtý maqsatynda vaktsına almaǵandarǵa jáne turaqty medıtsınalyq qarsy kórsetilimderi barlarǵa PTR-testileý júrgizilýi tıis. Naqty aıtqanda, vahtalyq ádispen jumys istep, kásiporyn aýmaǵynan júıeli túrde shyǵyp otyratyndar 7 kúnde 1 ret, al vahtadan belgili bir kezeńge deıin shyqpaıtyndar kelesi kezegi kelgenge deıin jáne vahtadan shyǵar aldynda 5 kún buryn synama tapsyrýǵa mindetti», - delingen qujatta.
Sondaı-aq qaýlyda jazylǵandaı, qalalar men eldi mekender ishinde qoǵamdyq kólik aptanyń barlyq kúnderi qatynaıdy.
