Jańa qaýly: ShQO mekemeleriniń jumys rejımi ózgerdi

ÓSKEMEN. QazAqparat – Shyǵys Qazaqstan oblysynda «Ashyq» jobasyna qatysatyn obektiler saǵat túngi 03.00-ge deıin jumys isteıtin boldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 28 qarashaǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

«Oblystaǵy obektiler óz qyzmetin «jasyl» aımaq úshin kózdelgen ólshemsharttar negizinde júzege asyrady. «Ashyq» jobasyna qatysatyn mekemeler jumys jáne demalys kúnderi saǵat túngi 03.00-ge deıin, al joba kóshbasshylary saǵat 05.00-ge deıin ashyq bolady», - delingen qujatta.

Demalys kúnderi mekemege qyzmetkerler men kelýshilerde «jasyl mártebe» bolǵan jaǵdaıda ǵana jumys isteýine ruqsat berilgen.