Jańa qaýly: ShQO-da senbi kúni qoǵamdyq kólik júretin boldy

ÓSKEMEN. QazAqparat – Shyǵys Qazaqstan oblysynda shekteý sharalary 10 qyrkúıekke deıin sozylady, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 10 qyrkúıekke deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

«28 tamyzdan bastap jeksenbi jáne mereke kúnderinen basqa kúnderi qalalar men eldi mekender ishinde qoǵamdyq kóliktiń qatynaýyna ruqsat berildi. Al jeksenbi jáne mereke kúnderi avtobýstar saǵat 8.00-den 10.00-ge deıin, al keshke saǵat 18.00-den 20.00-ge deıin tehnologııalyq protsestiń úzdiksiz tsıkly bar kásiporyndardyń jumyskerlerin jetkizý úshin jumys isteıdi», - delingen qujatta.

Demalys kúnderi «Ashyq» jobasyna qatysatyn barlyq bıznes obektilerine saǵat 00.00-ge deıin, joba kóshbasshylaryna saǵat 02.00-ge deıin jumys isteýge ruqsat berildi.