Jańa qaýly: ShQO-da karantındik shekteýler 19 maýsymǵa deıin uzartyldy

NUR-SULTAN. QazAqparat – Shyǵys Qazaqstan oblysynyń bas sanıtarlyq dárigeriniń jańa Qaýlysy shyqty, dep habarlaıdy QazAqparat.

Qaýlyda Shyǵys Qazaqstan oblysynyń barlyq aýmaǵynda 2021 jylǵy 6 maýsymnan bastap 19 maýsymǵa deıin sharýashylyqpen jáne ózge de qyzmetpen baılanysty shekteý sharalary uzartylatyny aıtylǵan.

«Balalarǵa arnalǵan arnaıy jáne mamandandyrylǵan uıymdardyń, bilim berý qajettilikteri erekshe balalarǵa arnalǵan arnaıy mektep-ınternattardyń, jalpy úlgidegi jáne daryndy balalarǵa arnalǵan mektep-ınternattardyń, sábıler úıleriniń, balalar úıleriniń, jartylaı statsıonarlyq úlgidegi arnaıy áleýmettik qyzmetter kórsetetin balalar ortalyqtarynyń, sondaı-aq belgili bir turǵylyqty jeri joq adamdardy qaıta áleýmettendirý jáne beıimdeý ortalyqtarynyń qyzmetine sanıtarııalyq-dezınfektsııalyq rejımdi kúsheıte otyryp ruqsat etilsin», - dep jazylǵan qujatta.

Shekteý is-sharalarynyń rejımi men merzimderi oblys aýmaǵynda kórsetilgen merzimniń ishinde ınfektsııanyń taralý ahýaly ózgerip jatsa, qaıta qaralýy múmkin ekeni aıtylǵan.