Jańa qaýly: ShQO-da banket zaldary men karaoke klýbtardyń jumysyna ruqsat berildi

ÓSKEMEN. QazAqparat – Shyǵys Qazaqstan oblysynda birqatar karantındik shekteýler jeńildetildi, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha birqatar shekteý sharalary jeńildetildi.

«Ashyq» jobasyna qatysatyn nysandar kelýshilerde qaýipsiz «jasyl» statýs bolǵan jaǵdaıda shekteýsiz jumys isteıdi. Naqty aıtqanda, endi saltanatty, eske alý, otbasylyq is-sharalardy ótkizýge, adam kóp jınalatyn konferentsııa, forým, kórme, ashyq aýada marafon uıymdastyrýǵa ruqsat berilgen. Sondaı-aq oıyn jáne túngi klýbtar, karaoke-barlar, basseınder, sport keshenderi, sporttyq-saýyqtyrý ortalyqtary, fıtnes jáne ıoga-ortalyqtar ashyq bolady», - delingen qujatta.

Mektepaldy synyptar, 1-4 synyp oqýshylary shtattyq formatta oqıdy. 600 oqýshysy bar mektepter túgeldeı dástúrli formatqa aýysady. Al bala sany 600-den assa, bilim ordasynyń jobalyq qýatynyń 50%-ynan aspaıtyn júktememen oflaın formatta oqytýǵa ruqsat berilgen.