Jańa qaýly: ShQO-da «Ashyq» jobasyna qatysatyn nysandar shekteýsiz jumys isteıdi

ÓSKEMEN. QazAqparat – Shyǵys Qazaqstan oblysynda birqatar karantın shekteýi jeńildetildi, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, «Ashyq» jobasyna qatysatyn nysandar «jasyl» jáne «kók» statýsy bar adamdar úshin epıdemıologııalyq jaǵdaıdyń «jasyl» jáne «sary» aımaqtarynda – shekteýsiz jumys isteıdi. Al «qyzyl» aımaqta – tolymdylyǵy 70%-dan asyrylmaýy kerek.

«Saýda, oıyn-saýyq ortalyqtary, basseınder, túngi klýbtar, karaoke-barlar jumysyna qatysty shekteýler alynyp tastaldy. Sondaı-aq kórme, marafon, sporttyq, saltanatty, otbasylyq is-shara (banket, as berý), konferentsııa, forým jáne adam kóp jınalatyn ózge de is-sharalar ótkizýge qatysty tyıym alyndy. Endi balalardyń oıyn-saýyq ortalyqtary, lotereıa klýbtary men býkmekerlik keńselerdiń tolymdylyǵyna qatysty shekteýler joq», - delingen qujatta.

Mektepke deıingi, orta bilim berý uıymdary, kolledjder jáne joǵary oqý oryndary, ınternattar jáne jataqhanalarǵa balalardyń ata-analary nemese zańdy ókilderine «jasyl» nemese «kók» statýs bolǵan jaǵdaıda kirýge ruqsat berildi.