Jańa qaýly: Respýblıkalyq chempıonattardy ótkizýge ruqsat berildi

NUR-SULTAN. QazAqparat – QR DSM Sanıtarııalyq-epıdemıologııalyq baqylaý komıteti saıtynda Bas memlekettik sanıtar dárigeri Erlan Qııasovtyń jańa qaýlysy jarııalandy, dep habarlaıdy QazAqparat.

Jańa qaýlyǵa sáıkes, 5 adamnan aspaıtyn jeke jáne toptyq jattyǵýlar úshin sport keshenderiniń qyzmetine ruqsat berilgen.

Sonymen qatar, maska rejımin jáne keminde 2 metr qashyqtyqty saqtaı otyryp, 15 adamnan aspaıtyn jeke jáne uıymdasqan toptar úshin erekshe qorǵalatyn tabıǵı aýmaqtarǵa (memlekettik ulttyq tabıǵı parkterge, qoryqtarǵa, rezervattarǵa jáne basqalarǵa) barýǵa múmkin bolady.

Osy qaýlyǵa 3-qosymshaǵa sáıkes, algorıtmdi saqtaı otyryp, keńesterdi (otyrystardy) kózbe-kóz rejımde ótkizýge ruqsat berý (olardy qashyqtyqtan ótkizý múmkindigi bolmaǵan kezde) eskerilgen.

Budan bólek, óńirlerdegi epıdemıologııalyq jaǵdaıdy eskere otyryp, «Baldáýren» respýblıkalyq oqý-saýyqtyrý ortalyǵy» jáne «Bóbek» Ulttyq ǵylymı-praktıkalyq bilim berý jáne saýyqtyrý ortalyǵy» RMQK qyzmetin jalǵastyrý qarastyrylǵan.

Arnaıy, mamandandyrylǵan uıymdardyń, erekshe bilim berý qajettiligi bar balalarǵa arnalǵan arnaıy mektep-ınternattardyń (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-ınternattardyń, daryndy balalarǵa arnalǵan mektep-ınternattardyń qyzmetine ruqsat berildi.

Aıta keteıik, kórermenderdiń qatysýynsyz, bir mezgilde 100 adamnan asyrmaı jınaqtaı otyryp, QR BMSD №67 qaýlysynyń talaptaryn jáne tıisti aýmaqtardyń bas sanıtarııalyq dárigerleriniń kelisimi boıynsha kúsheıtilgen sanıtarııalyq-dezınfektsııalyq rejımdi saqtaǵan jaǵdaıda, Qazaqstan Respýblıkasynyń chempıonattaryn jáne respýblıkalyq jarystardy (biryńǵaı respýblıkalyq kúntizbe boıynsha) ótkizýge múmkindik jasalady.

Bir mezgilde 30 adamnan asyrmaı jınaqtaı otyryp, kúsheıtilgen sanıtarııalyq-dezınfektsııalyq rejımdi saqtaı otyryp, oblystyq komandalardy daıarlaý úshin oqý-jattyǵý jıyndary qaıta bastalady.

«Osy qaýlyǵa 4-qosymshaǵa sáıkes ólshemsharttar negizinde áleýmettik-ekonomıkalyq obektilerdiń qyzmetin shekteýdi qamtamasyz etsin. Bul rette kúsheıtilgen karantındik sharalar qabyldanǵannan keıin keminde 14 kún saqtalady. Karantındik sharalardy jeńildetý sary nemese jasyl aımaqqa kóshkennen keıin 2 aptadan erte júrgizilmeıdi.

Osy qaýly qol qoıylǵan kúnnen bastap kúshine enedi.

Atalǵan qaýlynyń tolyq nusqasymen myna jerden tanysýǵa bolady.