Jańa qaýly: Pavlodarda vaktsına almaǵan kásiporyn jumysshylary jumystan shettetiledi

NUR-SULTAN. QazAqparat – Pavlodar oblysynyń bas sanıtar dárigeri ónerkásip kásiporyndarynyń vaktsına almaǵan qyzmetkerlerin shtattyq jumysqa jibermeý týraly qaýly shyǵardy, dep habarlaıdy QazAqparat tilshisi.

«Ónerkásip kásiporyndarynyń COVID-19-ǵa qarsy vaktsına almaǵan jumyskerlerin kúndizgi rejımde jumysqa jiberý shektelsin. Bul rette uıymdaryń ekpe almaǵan qyzmetkerlerine 7 kúnde bir ret PTR-testi tapsyrýǵa mindettelsin», - dep jazylǵan qaýly mátininde.

Óńirlik bas sanıtardyń mundaı sheshim qabyldaýy QR bas sanıtar dárigeriniń №38 qaýlysyna sáıkes keledi.

«Osy qaýlynyń 1-tarmaǵynyń 1) tarmaqshasyna engizilmegen uıymdardyń/obektilerdiń COVID-19-ǵa qarsy vaktsına almaǵan jumyskerlerin kúndizgi rejımde jumysqa jiberýdi shekteý týraly sheshimdi qalyptasqan epıdemıologııalyq jaǵdaıǵa baılanysty óńirlik jedel shtabtar qabyldaıdy», - dep jazylǵan ol qaýlyda.