Jańa qaýly: Pavlodarda mádenı nysandar qyzmetine ruqsat berildi
Qaýlyda otbasylyq, ujymdyq, saltanatty (banketter, úılený toılary, mereıtoılar, as berý t.b.) jáne adam kóp jınalatyn ózge de sharalardy (mıtıng, sherý, kórme, konferentsııa, qoıylym t.b.) ótkizýge tyıym salynǵan. Oıyn-saýyq mekemeleriniń – karaoke, qorqor, býkmeker keńseleri, bılıard zaldary, oıyn klýbtary, klýbtar, boýlıng ortalqtarynyń jumysy da toqtatylǵan.
Al mádenıet nysandarynyń qyzmetine 30 adamǵa deıin ruqsat berilgen. Teatrlardyń, kınoteatrlardyń, kontsert zaldarynyń tolymdyǵyn 20 paıyzdan asyrmaı qyzmet etýine bolady. Balalardy saýyqtyrý lagerlerge tolymdyǵyn 50 paıyzdan asyrmaı jumys isteýge ruqsat berilgen.
Oblysaralyq, oblysishilik, qalaaralyq, aýdanaralyq avtobýs, shaǵyn avtobýs tasymaldary qaıta jańartylady.
Mektepke deıingi mekemelerdiń kezekshi toptaryna bala sanyn 25-ten asyrmaı, sanıtarlyq talaptardy saqtaı otyryp jumys isteýine ruqsat bar.
Sonymen birge, kúsheıtilgen sanıtarlyq-dezınfektsııalyq rejımdi saqtaı otyryp, daladaǵy attraktsıondar jumysyn bastaýǵa ruqsat berilgen.
Qazaqstan Respýblıkasy Bas memlekettik sanıtarııalyq dárigeriniń №68 qaýlysynyń talaptaryn saqtaı otyryp, kitaphanalar men mýzeılerdiń jumysyna ruqsat berilgen.
Al meshit, shirkeý, sobor, sınagoga sııaqty dinı mekemelerde bir adamǵa 4 sharshy metr oryn saqtaı otyryp ujymdyq dinı sharalar ótkizýge bolady.
Qoǵamdyq tamaqtaný nysandarynyń jumys kestesi uzartyldy, endi olar saǵat 7.00-den 22.00-ge deıin jumys isteıdi. Strıt-fýdtar (jeke dúńgirshekter, otyrǵyzatyn ústelderi joq kıoskiler) qyzmetiniń jumysyna ýaqyt shekteýi qoıylmaıdy.
Qaýlynyń tolyq mátinin Pavlodar oblysynyń sanıtarlyq-epıdemıologııalyq baqylaý departamentiniń saıtynan oqýǵa bolady.
