Jańa qaýly: Kóterme jáne bólshektep satý obektilerine qandaı talap qoıylady

NUR-SULTAN. QazAqparat – QR bas sanıtar dárigeriniń jańa qaýlysy boıynsha kóterme jáne bólshektep satý (saqtaý) obektilerine qoıylatyn talaptar belgilendi, dep habarlaıdy QazAqparat tilshisi.

«Osy qaýlyǵa qosa berilgen 5-qosymshaǵa sáıkes ónimdi saqtaý qamtamasyz etilsin», - dep jazylǵan qaýlyda.

Atalǵan qosymshada mynandaı talaptar kórsetilgen:

1. 5 jasqa deıingi balalardy qospaǵanda, saýda nysanynyń aýmaǵyna maskasyz kirýge jáne onda bolýǵa jol berilmeıdi.

2. Jumys oryndaryn jáne kelýshilerge arnalǵan bólmelerdi turaqty jeldetýdi júzege asyrý qajet.

3. Obekti ákimshiligi men jaýapty adamdar kelýshilerdiń, qyzmetkerlerdiń mindetti túrde maska kııýin qadaǵalaıdy.

4. Saýda obektisiniń menshik ıesi:

1) kireberiste, saýda zaldarynyń holdarynda, dálizderde, sanıtarııalyq toraptarǵa kireberiste, sondaı-aq árbir býtıkte teri antıseptıgi bar sanıtaızerler ornatýdy;

2) jumyskerler arasynda jeke/óndiristik gıgıena qaǵıdalaryn saqtaý jáne olardyń múltiksiz saqtalýyn baqylaý, kvarts shamdaryn paıdalaný kezindegi qaýipsizdik sharalary týraly nusqama júrgizýdi;

3) jeke gıgıena quraldarymen sanıtarııalyq toraptardy (suıyq sabyn, antıseptıkter, dárethana qaǵazy);

4) halyqqa antıseptıktermen qoldy óńdeý arqyly maska kıip qyzmet kórsetýdi;

5) árbir 2 saǵat saıyn jeldetý rejımin saqtaýdy qamtamasyz ete otyryp, saýda obektileriniń ishinde profılaktıkalyq tekserý (súzgilerdi aýystyrýdy, aýa ótkizgishterdi dezınfektsııalaýdy qosa alǵanda) júrgize otyryp, jeldetý júıeleri men aýany baptaý júıeleriniń úzdiksiz jumys isteýin;

6) tehnıkalyq personaldyń (tazalaýshynyń) jeke qorǵanysh quraldaryn (qolǵap, medıtsınalyq maska) paıdalana otyryp, arnaıy kıimde dezınfektsııa júrgizýdi;

7) óndiristik jáne turmystyq úı-jaılardy dezınfektsııalaı otyryp, esik tutqalaryn, ajyratqyshtardy, tutqalardy, taıanyshtardy, janasatyn betterdi (jabdyqtardy, múkámmaldy, ústelderdi, oryndyqtardy), ortaq paıdalanylatyn oryndardy (kıim iletin oryndardy, tamaq ishetin, demalatyn bólmelerdi, sanıtarııalyq toraptardy) mindetti túrde dezınfektsııalaı otyryp ylǵaldy jınaýdy júrgizýdi;

8) dezınfektsııalaý jáne jýý quraldarynyń qoryn;

9) dezınfektsııalaý quraldarymen jumys isteýge densaýlyq jaǵdaıy boıynsha qarsy kórsetilimderi joq kámeletke tolǵan adamdardy jiberýdi;

10) dezınfektsııalaý quraldaryn daıyndaýshynyń qaptamasynda, arnaıy bólingen qurǵaq, salqyn jáne qarańǵylanǵan, balalardyń qoly jetpeıtin jerde tyǵyz jabylǵan kúıinde saqtaýdy qamtamasyz etedi.

5. Fýd-korttardyń jumys isteýi osy qaýlynyń 18-qosymshasyna sáıkes qoǵamdyq oryndar obektilerine qoıylatyn sanıtarııalyq talaptardy saqtaǵan jaǵdaıda qamtamasyz etiledi.

Qaýlynyń tolyq mátinin myna jerden kórýge bolady: https://www.gov.kz/memleket/entities/kkkbtu/press/news/details/340935?lang=kk