Jańa qaýly: Qaraǵandy oblysynda keıbir shekteý sharalary joıyldy
QARAǴANDY. QazAqparat - Koronavırýstyq ınfektsııa boıynsha epıdemıologııalyq jaǵdaıdyń turaqtanýyna baılanysty Qaraǵandy oblysynyń Bas memlekettik sanıtarııalyq dárigeri orynbasarynyń jańa qaýlysy shyqty, dep habarlaıdy QazAqparat tilshisi.
Osylaısha, jańa Qaýlyǵa sáıkes kelesi shekteý sharalarynyń kúshin joıý týraly sheshim qabyldandy:
- «Ashyq» mobıldi qosymshasyn mindetti túrde qoldaný, bul rette «jasyl» aımaqta «Ashyq» qosymshasyn sýbektiler erikti túrde paıdalana alady;
- áleýmettik qashyqtyqty saqtaýǵa qoıylatyn talaptar;
- mindetti termometrııa, úı-jaılarǵa/obektilerge kire beristegi termometrııa nysan ıesiniń qalaýy boıynsha júzege asyrylady;
- mindetti túrde ashyq aýada betperde kııý, betperde rejımin saqtaý úı-jaılarda, qoǵamdyq kólikte jáne t.b. mindetti túrde saqtalýy tıis;
- COVID-19-ǵa qarsy vaktsına almaǵan qyzmetkerler (qyzmet kórsetý salasynyń obektileri) úshin kúndizgi rejımde jumysqa ruqsat berýdi shekteý;
- vahtalyq ádispen jumys isteıtin uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý;
- COVID-19-men aýyrǵan adamdarda «jasyl» mártebeniń qoldanylý merzimi 3 aıdan 6 aıǵa deıin uzartyldy.
Berilgen kúninen bastap 3 táýlikten aspaıtyn ýaqyt ótken PTR ádisimen COVID-19-ǵa zerthanalyq tekserý týraly qujattyń nemese ekinshi komponentti alǵannan keıin kelesi sanattar úshin 6 aıdan aspaıtyn ýaqyt ótse, COVID-19-ǵa qarsy revaktsınatsııany nemese vaktsınatsııanyń tolyq kýrsyn alǵanyn rastaıtyn qujattyń bolýy talaby joıyldy:
- áskerı bólimderden shyǵar aldynda merzimdi áskerı qyzmetten keıin áskerı qyzmetten bosatylǵan adamdar;
- seriktestik bosanýǵa qatysatyndarǵa;
- patsıentterge, naýqas balany kútý boıynsha medıtsınalyq uıymdarǵa, júkti áıelderge shuǵyl jáne josparly statsıonarǵa emdeýge jatqyzý kezinde jatqyzylatyn adamdarǵa;
- gemodıalızdegi patsıentter;
- QAJ mekemelerindegi adamdarǵa uzaq merzimdi kezdesýge keletin týystaryna.
Sondaı-aq, barlyq menshik nysanyndaǵy jáne vedomstvolyq baǵynystaǵy bilim berý uıymdarynda talaptar alynyp tastaldy:
- áleýmettik qashyqtyqty mindetti túrde saqtaýǵa, bul rette bilim berý jáne tárbıeleý obektilerinde merekelik is-sharalardy ótkizý sanıtarııalyq-epıdemıologııalyq talaptar men qaýly talaptaryn saqtaı otyryp, bir top, bir synyp ishinde ǵana múmkin bolady, toptardy, synyptardy biriktirý is-sharalaryna tyıym salynady;
- kúndelikti «kireberis» súzgisinde baılanyssyz termometrııa alynyp tastalady.
Bul rette, «Ashyq» mobıldi qosymshasyn paıdalaný, áleýmettik qashyqtyqty saqtaý jáne termometrııany júrgizý bilim berý uıymdary ákimshiliginiń sheshimi boıynsha erikti túrde júzege asyrylýy múmkin.
