Jańa qaýly: Qaraǵandy oblysynda karantın shekteýleri kúsheıdi
Qaraǵandy oblysynda epıdemıologııalyq jaǵdaı qolaısyz, kún saıyn koronavırýs ınfektsııasynyń 650-750-den astam jańa jaǵdaıy tirkelip otyr.
Osyǵan oraı 26 shildede Qaraǵandy oblysy bas memlekettik sanıtarııa dárigeriniń jańa qaýlysy shyqty.
Jumys kúnderi qosymsha shekteý sharalaryn engizý týraly sheshim qabyldandy:
1) Ashyq-qa qatyspaıtyn mynadaı obektilerdiń:
- fıtnes-ortalyqtar, fıtnes-klýbtar, ıoga-ortalyqtary,
- sporttyq-saýyqtyrý obektileri, sporttyq obektiler,
- saýnalar, SPA-ortalyqtar, basseınderdiń qyzmetin toqtata turý.
2) Ashyq jobasyna qatysýshy kelesi obektilerdiń qyzmetin saǵat 17-00–ge deıin shekteý:
- qoǵamdyq tamaqtaný obektileri (fýd-korttar, meıramhanalar, dámhanalar, kofehanalar, ashanalar, jazǵy alańdar, banket zaldary jáne t.b.), bul rette Ashyq-qa qatyspaıtyn obektiler saǵat 12-00-ge deıin jumys isteıdi (Ashyq-syz qyzmeti tyıym salynǵan banket zaldaryn qospaǵanda);
- fıtnes-ortalyqtar, fıtnes-klýbtar, ıoga-ortalyqtar, sport-saýyqtyrý obektileri, saýnalar, SPA-ortalyqtar, sport obektileri, basseınder;
- sulýlyq salondary, shashtarazdar, «barbershoptar», kosmetıkalyq jáne kosmetologııalyq qyzmet kórsetetin ortalyqtar men salondar;
- kınoteatrlar.
Sonymen qatar, demalys kúnderi ashanalar jumysyn toqtatady.
Sondaı-aq, sońǵy 3 aı ishinde COVID-19 aýyryp jazylǵan adamdardy qospaǵanda, osy qaýlynyń 3-tarmaǵynyń 3.45-tarmaqshasynda kórsetilgen uıymdardyń qyzmetkerlerin 10 tamyzǵa deıin COVID-19-ǵa qarsy vaktsınanyń birinshi komponentimen egý, sondaı-aq KVI-ǵa qarsy vaktsınatsııaǵa turaqty jáne ýaqytsha medıtsınalyq qarsy kórsetilimi bar adamdar jatpaıdy.
Ondaı kórsetilim týraly anyqtamany ýchaskelik dáriger (ol bolmaǵan jaǵdaıda feldsher) jumys ornyna usyný úshin (qajet bolǵan jaǵdaıda) beredi.
Bul rette dıagnoz patsıenttiń kelisimi boıynsha kórsetiledi.
Osy qaýly 29 shilde saǵat 00.00-den bastap kúshine enedi.
