Jańa qaýly: Elordalyq saýda ortalyqtary qalaı jumys isteıdi
NUR-SULTAN. QazAqparat – Elordalyq ákimdik, SES jáne polıtsııa departamentiniń qyzmetkerleri saýda-oıyn-saýyq ortalyqtarynyń jańa shekteý sharalarynda qalaı jumys isteıtinin túsindirdi, dep habarlaıdy QazAqparat tilshisi.
Arnaıy top qaladaǵy birneshe saýda ortalyqtaryna baryp, qyzmetkerler men kelýshilerge elordanyń bas sanıtarlyq dárigeriniń jańa qaýlysyndaǵy sanıtarlyq normalar men karantın rejımin saqtaý qajettigin túsindirdi.
«Búgin biz jańa qaǵıdalar boıynsha saýda-oıyn-saýyq ortalyqtarynyń daıyndyǵy men qoǵamdyq tamaqtaný nysandarynyń jumysyna monıtorıng júrgizemiz. Keshe Nur-Sultan qalasynyń bas sanıtarlyq dárigeriniń jańa qaýlysy kúshine endi, onda saýda-oıyn-saýyq ortalyqtary jumysynyń algorıtmi naqty jazylǵan. Qaýlyǵa sáıkes, saýda ortalyqtary barlyq qajetti sanıtarlyq-epıdemıologııalyq sharalardy saqtaı otyryp, jumys kúnderi saǵat 10:00-den 22:00-ge deıin jumys isteı alady. Al demalys kúnderi jumys istemeıdi. ıAǵnı, senbi jáne jeksenbi kúnderi saýda oıyn-saýyq ortalyǵynda dárihanalar, bankterdiń esep aıyrysý-kassalyq bólimderi jáne sýpermarketteri, gıpermarketteri ǵana ashyq bolady. Qazir de saýda ortalyqtarynyń birine keldik, barlyq saqtyq sharalary saqtalǵanyn kórýge bolady. Munda araqashyq saqtalyp, dúńgirshektegi, dámhanadaǵy adam sany 30%-dan aspaýy kerek», - dedi Nur-Sultan qalasy Saýda jáne qyzmet kórsetý salasyn damytý bóliminiń basshysy Rýslan Ydyrysov monıtorıng kezinde tilshilerge bergen suhbatynda.
Aıta keteıik, saýda ortalyqtaryndaǵy kınoteatrlar tolyq rejımde jumys istep tur. Jańa qaýly kınoteatrlar jumysyna áser etken joq, olar kún saıyn saǵat 10:00-den 24:00-ge deıin jumys isteıdi jáne zaldaǵy kórermender arasynda eki oryn bos qalyp, adam sany 30 paıyzdan aspaýy kerek.
Sonymen birge, saýda-oıyn-saýyq ortalyqtaryndaǵy qoǵamdyq tamaqtaný oryndary jabyq bolyp qala beredi, olar tek úıge jetkizý qyzmetimen aınalysa alady. Oıyn-saýyq aımaǵy, átkenshekter men batýttar da jumys istemeıdi.
Ákimdik qyzmetkerleri saýda ortalyǵy men dúńgirshekterdi aralady jáne birneshe eskertý jasady. Máselen, kofehanada kelýshiler arasynda bir ústel bos turýy kerek jáne 30 paıyzdan artyq tolmaýy kerek. Kezekke turǵanda araqashyq saqtalýy qajet. Eki saǵat saıyn ylǵaldy tazalaý jumystary júrip, satýshylar qorǵanys maskasyn aýystyryp turýy tıis. Erejege sáıkes, saýda ortalyǵy ishinde kelýshiler úzdiksiz qozǵalysta ǵana júre alady jáne dálizdegi adam kóp toptasatyn oryndyqtardy da jabý kerek.
«Munda aıyppul salý úshin kelgen joqpyz. Ol bizdiń quzyrymyzǵa da kirmeıdi. Ereje buzý máselesin aýdandyq monıtorıng toptary qarastyrady. Al biz nysandardyń jańa jaǵdaıda jumys isteýge qanshalyqty daıyn ekenin kórgimiz keledi. Bul eń aldymen ózimiz úshin – adam densaýlyǵy úshin qajet. Nur-Sultan qalasy «qyzyl aımaqqa» endi, koronavırýs juqtyrǵandar kóbeıdi, osyǵan baılanysty shekteýler qoıyldy. Eger qaladaǵy sanıtarlyq-epıdemıologııalyq jaǵdaı jaqsarsa, nysandar burynǵy jumys kestesine oralady. Al eger jaǵdaı nasharlasa, odan ári ne isteý qajettigi qaralady», - dedi Rýslan Ydyrysov.
Eske sala ketsek, 15 qańtarda Nur-Sultan qalasyndaǵy shekteý jáne karantın sharalary týraly qaýly jańartyldy.
