Jańa qaýly: Densaýlyq saqtaý uıymdary aımaqtarǵa bólinedi

NUR-SULTAN. QazAqparat – QR bas sanıtar dárigeriniń jańa qaýlysy shyqty, dep habarlaıdy QazAqparat tilshisi.

«Osy qaýlyǵa qosa berilgen 2-qosymshaǵa sáıkes densaýlyq saqtaý uıymdaryn aımaqqa bólýdi jáne jumys rejımin saqtaý qamtamasyz etilsin», - dep jazylǵan Qaýlyda.

Atalǵan qosymsha ınfektsııalyq statsıonarlarda statsıonardy «taza» jáne «las» aımaqtarǵa qatań bólýdi qamtamasyz etý kerektigi aıtylǵan.

«Taza» aımaqqa mynalar jatady:

1) medıtsına qyzmetkerlerine arnalǵan kirý toby, syrtqy kıimge arnalǵan garderob, kiretin jerde «las» aımaqqa deıingi jáne shyǵatyn jerde «las» aımaqtan keıingi sanıtarııalyq ótkizgish, osy bloktardaǵy qosalqy úı-jaılar;

2) ordınator, meıirger, bólimshe meńgerýshisi kabınetteri, aǵa meıirger, sharýashylyq bıkeleri jáne basqa da personal kabınetteri, sanıtarııalyq torap, olardyń sharýashylyq úı-jaılary. Bul rette olarǵa kiretin jer jeke qorǵanysh quraldaryn (budan ári – JQQ) sheshýge arnalǵan shlıýz jáne dýsh arqyly bolýy tıis;

3) ákimshilik kabınetteri jáne basqa da ákimshilik úı-jaılar;

4) kósheden kiretin jeri bar jáne «las» aımaqtyń ishinde shyǵatyn jer joq tehnıkalyq úı-jaılar.

Al «las» aımaqqa osy qosymshanyń 2-tarmaǵynda kórsetilgenderden basqa statsıonardyń úı-jaılary jatady.

Qosymshada sanıtarlyq ótkizgishterdi 2 aǵymǵa bóle otyryp paıdalaný kerektigi kórsetilgen:

1) aýysymǵa kiretin jerde «taza» aımaqtan «las» aımaqqa;

2) aýysymnan shyǵatyn jerde «las» aımaqtan «taza» aımaqqa qamtamasyz etý qajet.

«Bul rette aǵymdar qıylyspaýy tıis», -delingen qujatta.

Atalǵan aımaqtarǵa qoıyltany basqa da talaptardy myna jerden kórýge bolady: https://www.gov.kz/memleket/entities/kkkbtu/press/news/details/340935?lang=kk