Jańa qaýly: Atyraýda qandaı nysandardyń jumysyna ruqsat berildi

ATYRAÝ. QazAqparat – Atyraýda qoǵamdyq tamaqtaný nysandarynyń tún ortasyna deıin jumys isteýine ruqsat berildi, dep habarlaıdy QazAqparat.

Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan.

«Qoǵamdyq tamaqtaný obektilerine, onyń ishinde jazǵy alańdarda saǵat 07:00-den 24:00-ge deıin (ujymdyq is-sharalar ótkizbeı, 50-den aspaıtyn otyratyn oryn ornatyp, ústelder arasyndaǵy qashyqtyq keminde 2 metr saqtalýyn, bir ústelde 4 adamnan artyq otyrǵyzbaýdy qamtamasyz etip) jumys jasaýǵa ruqsat etiledi. Alańdarda, parkterde, skverlerde, jaǵalaýlarda balalar men eresekterge arnalǵan jyljymaly oıyn quraldaryn jalǵa berýdiń, ýaqytsha bólshek saýdanyń ornalasý orny men jumys kestesin jergilikti atqarýshy organdarmen kelisý boıynsha anyqtasyn» delingen qujatta.

Jańa qaýly 2021 jylǵy 10 mamyrda saǵat 00:00-den bastap zańdy kúshine enedi.