Jańa qaýly: Almatyda HQO-lar qalaı jumys isteıdi

ALMATY. QazAqparat - Almatyda Halyqqa qyzmet kórsetý ortalyqtarynyń jumys kestesinde ózgerister paıda boldy, dep habarlaıdy QazAqparat tilshisi.

Bas memlekettik sanıtarlyq dárigerdiń 2021 jylǵy 26 tamyzdaǵy № 37 qaýlysy boıynsha HQKO-ǵa barý úshin mindetti túrde aldyn ala jazylý (brondaý) talaby alynyp tastaldy.

Osyǵan baılanysty, Almaty qalasynyń Halyqqa qyzmet kórsetý ortalyqtarynyń jumys kestesi jaıly «Azamattarǵa arnalǵan úkimet» memlekettik korporatsııasy Almaty qalasy fılıalynyń dırektory Ermek Bekjúnisov aıtyp berdi.

«Almaty qalasynda Almaly aýdany, Bógenbaı batyr kóshesi, 221-úı mekenjaıynda ornalasqan Halyqqa qyzmet kórsetý bólimi, sondaı-aq Almaty qalasy, Alataý aýdany, Saıaly yqsham aýdany, Aqqaınar k-si, 1 úı, mekenjaıynda ornalasqan №1 mamandandyrylǵan HQKO bólimderi, memlekettik qyzmet kórsetý úshin, dúısenbiden jumaǵa deıin saǵat 9:00-den 20:00-ge deıingi jumys kestesimen kezekshi bólimder retinde jumys isteıdi», - dedi ol.

Sonymen qatar, fılıal basshylyǵy turǵyndardan sanıtarlyq qaýipsizdik sharalaryn umytpaýdy, HQKO-ǵa kelgende betperde taǵyp, áleýmettik qashyqtyqty saqtaýdy suraıdy.