Jańa qaýly: Almatyda as berýge ruqsat etildi

ALMATY. QazAqparat – Almatyda as berýge ruqsat etildi. Saýnalar, kýrorttyq ortalyqtar, bazarlar men saýda ortalyqtary qalanyń «sary» aımaqqa enýine baılanysty jumys isteýge múmkindik aldy. Bul týraly Jandarbek Bekshın aıtty, dep habarlaıdy QazAqparat tilshisi.

Onlaın brıfıng barysynda Jandarbek Bekshın jańa qaýlyǵa engizilgen ózgersterdi atap ótti.

«Biz obektilerdi eki blokqa bóldik: Ashyq qosymshasyna qatyspaıtyn jáne Ashyq qosymshasyna qatysatyn nysandar. Aıtalyq, qoǵamdyq tamaqtaný oryndary saǵat 00:00-ge deıin jumys isteı alady, biraq oryndar sany 60-qa deıin bolý kerek. Sonymen qatar, as berýge ruqsat etilip jatyr, biraq shaqyrylǵan adamdar sany 50-den aspaýy shart. «Qyzyl» aımaqta bolǵan kezde boýlıng ortalyqtary kelýshiler sany 30%-dan aspaıtyn kólemde jumys istedi, al qazir bul kólem 50%-dan aspaýy tıis delinedi, ıaǵnı bılıardpen birdeı. Teatrlar, kınoteatrlar adam qabyldaý kóleminiń 40 paıyzy deńgeıinde jumys isteı alady, buryn ol 30 paıyzdy qurady», - dedi ol.

Sondaı-aq ol kezekshi toptarda endi 25 baladan oqı alatynyn (aldynda 15 bala bolǵan) jetkizdi, keńse qyzmetkerleriniń 50 paıyzy oflaında jumys isteýine ruqsat, jabyq jáne ashyq bazarlar eshqandaı shekteýsiz jumys isteı alady (aldynda olardyń jumysyna senbi, jeksenbi kúnderi tyıym salynǵan).

Ashyq jobasyna qatysatyn saýnalar, kýrorttar, sport keshenderi, fıtnes ortalyqtar, ıoga ortalyqtary da shekteýsiz jumys isteı alady.

Jańa qaýly 8 maýsymda kúshine enedi.