Jańa qaýly: Almaty mektepterinde sabaq qalaı ótedi

ALMATY. QazAqparat – Almaty qalasynyń bas memlekettik sanıtar dárigeri Jandarbek Bekshın koronavırýs ınfektsııasynyń taralýyn shekteý jóninde jańa qaýlyǵa qol qoıdy, dep habarlaıdy QazAqparat QR DSM baspasóz qyzmetine silteme jasap.

«2020-2021 oqý jylynyń sońyna deıin TjKB, JOO stýdentterin jáne jalpy bilim beretin mektep oqýshylaryn kashyqtyqtan okytý formatyna kóshirý. Ata-analardyń ótinishi boıynsha 1-5 synyptardy qosa alǵanda (halyqaralyq mektepterde 1-7 synyptardy qosa alǵanda), 15 adamǵa deıingi balalar sany bar 9 jáne 11 (12) synyptardaǵy kezekshi synyptarǵa jáne 15 adamǵa deıingi synyptardy jınaqtaýmen 300 oqýshyǵa deıingi kontıngenti bar mektepterdiń dastúrli formatynda oqýǵa ruqsat etýdi» arnaıy organdar qamtamasyz etýi kerektigi aıtylǵan.

Odan bólek, jańa qaýlyda balalardy saýyqtyrý lagerleriniń qyzmetine tyıym salyndy.

Sondaı-aq, «Bebek» ultttyq ǵylymı-praktıkalyq bilim berý jane saýyqtyrý ortalyǵy» PMQK qyzmetine, arnaıy, mamandandyrylǵan uıymdardyń, erekshe bilim bepý qajet balalarǵa arnalǵan arnaıy mektep-ınternattardyń (onyń ishinde ata-anasynyń qamqorlyǵynsyz qalǵan jetim balalarǵa arnalǵan), jalpy úlgidegi mektep-ınternattardyń, daryndy balalarǵa arnalǵan mektep ınternattarynyń kyzmetine ruqsat berildi.

Aıta keteıik, jańa qaýly 3 sáýirden bastap kúshine enedi.