Jańa qaýly: Aqtóbede bastaýysh synyp oqýshylary túgel mektepke baryp oqıdy

AQTÓBE. QazAqparat - Aqtóbede shekteý sharasy jeńildedi. Endi bastaýysh synyp oqýshylary dástúrli formatta bilim alady, dep habarlaıdy QazAqparat tilshisi.

Aqtóbe oblystyq sanıtarııalyq-epıdemıologııalyq baqylaý departamenti jańa qaýlyny jarııalady.

Endi mektepke deıingi uıymdar ata-analardyń ótinishin qabyldap, shtattyq rejımde jumys isteıdi.

Al jalpy bilim beretin mektepterde 1-4 synyp oqýshylaryna dástúrli formatta bilim alýyna ruqsat berildi.

«Oqýshy sany 600-den aspaıtyn mektepterde dástúrli formatta oqýǵa ruqsat. Al 600-den assa bala sanynyń 50% qamtylady. Mektepten tys uıymdardyń shtattyq formatta jumys isteýine ruqsat. Joǵary oqý oryndarynda jáne kolledjderde oqý aralas formatta júredi. Praktıkalyq, zerthanalyq, semınar sabaqtar, óndiristik praktıka ıkemdi keste boıynsha shtattyq rejımde, dáris onlaın ótedi»,- dep jazylǵan qaýlyda.