Jańa qaýly: Aqmola oblysynyń bilim berý uıymdarynda qandaı shekteýler alynyp tastaldy

KÓKShETAÝ. QazAqparat - Aqmola oblysynyń bas memlekettik sanıtarlyq dárigeri Aınagúl Mýsınanyń «Bilim berý uıymdaryndaǵy shekteý is-sharalaryn alyp tastaý týraly» №17 qaýlysy kúshine endi, dep habarlaıdy QazAqparat tilshisi.

Osy qaýlyǵa sáıkes, oblys «jasyl» nemese «sary» aımaqta bolǵan kezde barlyq menshik nysandary men vedomstvolyq baǵynystaǵy bilim berý uıymda-rynda áleýmettik qashyqtyqty mindetti túrde saqtaý jáne kúndelikti «kirý» súzgisi (baılanyssyz termometrııamen tekserý) joıylady.

«Sondaı-aq «Ashyq» mobıldi qosymshasyn paıdalaný, áleýmettik qashyqtyqty saqtaý jáne termometrııany júrgizý bilim berý uıymdary ákimshiliginiń sheshimi boıynsha erikti túrde júzege asyrylýy múmkin», - delingen qaýlyda.

Epıdemıologııalyq jaǵdaıdy baǵalaý matrıtsasyna sáıkes óńir «qyzyl» aımaqqa aýysqan kezde barlyq menshik nysanyndaǵy jáne vedomstvolyqqa tıesili bilim berý uıymdarynda «Ashyq» qosymshasyn mindetti paıdalaný, áleýmettik qashyqtyqty saqtaý jáne kúndelikti «kirý» súzgisin (baılanyssyz termometrmen termometrııa) júrgizý qamtamasyz etiledi.