Jańa qaýly: 27-shi aqpannan bastap Aqmola oblysynda qandaı shekteýler alynady

Bul týraly oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

Vedomstvo basshysynyń aıtýynsha, jańa qaýlyda birqatar jeńildikter qarastyrylǵan.

Onda:

- qoǵamdyq tamaqtaný nysandary aptanyń barlyq kúnderi saǵat 07.00-den 24.00-ge deıin jumys isteıdi. Azyq-túlik fýdkorttaryna tek tamaq alýǵa jáne jetkizýge ruqsat etiledi;

- ǵımarattardyń ishindegi jáne syrtyndaǵy azyq-túlik jáne azyq-túlik emes bazarlarǵa jumys kúnderi, sondaı-aq senbi kúnderi qoldanystaǵy jumys rejımimen jumys isteýge ruqsat etiledi, jeksenbi kúnderi jumysyn toqtata turady;

- saýda nysandary (sýpermarketter, gıpermarketter) qoldanystaǵy jumys rejımimen jumys isteıdi;

- saýda nysandary (saýda úıleri, saýda jelileri, saýda ortalyqtary) azyq-túlik bólimderin qospaǵanda, jeksenbide jumysyn toqtata otyryp, qoldanystaǵy jumys rejımimen jumys isteıdi. Balalar oıyn alańdary men attraktsıondarynyń qyzmetine tyıym salynady;

- aldyn ala jazylý boıynsha sulýlyq salondarynyń, shashtarazdardyń, manıkıýr men pedıkıýr qyzmetteriniń, kosmetologııalyq qyzmet kórsetetin nysandardyń qyzmetine ruqsat beriledi;

- sport ortalyqtarynyń, jattyǵý zaldarynyń jáne sporttyq-saýyqtyrý ortalyqtarynyń qyzmetine aldyn ala jazylý boıynsha barýǵa ruqsat beriledi;

- qoldanystaǵy jumys rejımi bar saýnalar, SPA ortalyqtarynyń qyzmetine ruqsat beriledi, jeksenbi kúnderi toqtata turady;

- basseınderdiń qyzmetine aldyn ala jazylý boıynsha ruqsat etiledi, jeksenbi kúnderi toqtata turady;

- mádenıet obektilerine (teatrlar, kitaphanalar, murajaılar) jáne kınoteatrlarǵa 20 paıyzdan artyq toltyrýmen jumys isteýge ruqsat etiledi;

- repetıtsııalardaǵy adamdardyń eń kóp sany 30 adamǵa deıin bolýy tıis.

- belgilengen talaptardy saqtaı otyryp jáne ujymdyq is-sharalar ótkizbeı dinı obektilerdiń (meshitter, shirkeýler, soborlar, sınagogalar jáne t.b.) qyzmetine ruqsat beriledi.

- qyzmetkerlerdiń keminde 60 paıyzy qashyqtan jumys isteý nysany saqtalady (shtat kestesinde 40-tan astam qyzmetker bolǵanda), jumys berýshiler kelýshiler men óz personaly arasynda mindetti betperde rejımin saqtaýdy baqylaýy tıis.

- 2020-2021 oqý jylynyń úshinshi toqsanynan bastap ruqsat etiledi: kontıngenti 300-ge deıin, synyptardaǵy balalar sany 15 adamǵa deıin qalalyq jáne aýyldyq mektepterde dástúrli formatta oqytý;

jalpy bilim beretin mektepterde kezekshi synyptarda 1 - den 5 - synypqa deıin qosa alǵanda, halyqaralyq mektepterde – ata-analardyń ótinishi boıynsha 15 baladan aspaıtyn synyptardyń jınaqtalýyn qosa alǵanda 7-synypqa deıin oqytý; bitirýshi synyptar úshin aptanyń 6 kúni ishinde quramdastyrylǵan oqytý (9, 11 (12) synyptar): pánderdiń 70 paıyzy shtattyq rejımde, 30 paıyzy qashyqtan oqytý (synypta 15 adamnan artyq emes, áleýmettik qashyqtyqty saqtaý, 1-synyp-1 kabınet qaǵıdaty boıynsha oqytý, bir mezgilde mektepte jobalyq qýattyń 30 paıyzdan);

- kolledjder men joǵary oqý oryndarynyń I kýrs stýdentteri úshin shtattyq oqytý ekinshi semestrinen ruqsat beriledi;

– aldyn ala jazylý boıynsha balalar kabınetteriniń/túzetý ortalyqtarynyń, balalar men eresekterdiń bilim berý ortalyqtarynyń qyzmetin ruqsat etiledi, topty toltyrý kezinde-15 adamnan artyq emes.

- qalalyq avtobýs, shaǵyn avtobýs tasymaldarynyń qozǵalysyna ruqsat etiledi. 300 km-den aspaıtyn qashyqtaǵy oblysaralyq tasymaldar.;

- otyrǵyzý oryndarynyń 75 paıyzdan aspaıtyn, biraq 15 adamnan aspaıtyn toltyrý kezinde qalalyq turaqty emes tasymaldarǵa ruqsat etiledi;

- otyrǵyzý oryndarynyń 75 paıyzdan aspaıtyn, biraq 15 adamnan aspaıtyn tolýy kezinde qala jáne oblysaralyq turaqty emes (týrıstik) tasymaldar qozǵalysyna ruqsat etiledi;

qalaaralyq jolaýshylar poezdarynyń/elektr poıyzdarynyń, jalpy vagondarsyz jolaýshylar poezdarynyń qozǵalysyna, sondaı-aq óńirler arasynda jeke avtokóliktiń qozǵalysyna ruqsat etiledi;

Budan basqa, jappaı, sondaı-aq otbasylyq, estelik jáne ózge de is-sharalardy, onyń ishinde úıde, adamdar kóp jınalatyn is-sharalardy uıymdastyrýǵa jáne ótkizýge tyıym salý saqtalady.

«Osy qaýly 2021 jylǵy 27 aqpannan bastap kúshine enedi jáne onyń resmı kúshi joıylǵanǵa deıin qoldanylady», - dedi Aqmola oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına.

Osy rette, Aqmola oblysynyń sanıtarlyq-epıdemıologııalyq baqylaý departamentiniń basshysy halyqty sanıtarlyq erejeler men qaýlylardyń barlyq talaptaryn saqtaýǵa shaqyrady.