Jańa iPhone modelderiniń korpýsy burynǵylarynan áldeqaıda berik bolmaq
ASTANA. QazAqparat - Qazirgi iPhone 6 jáne iPhone 6 Plus modelderimen salystyrǵanda, iPhone 6S, iPhone 6S Plus degen ataýlarǵa ıe bolatyn uıaly telefondardyń korpýsy áldeqaıda berik bolmaq. Sebebi, olardy jasaýda 7000 serııaly alıýmınıı qorytpasy paıdalanylatyn bolady, dep jazady Vestı.
Mundaı materıaldy Apple óziniń Apple Watch Sport atty «aqyldy» saǵattary óndirisinde paıdalandy. Ol ádettegi alıýmınıı qorytpasynan 60%-ǵa berik ári tyǵyzdyǵy tot baspaıtyn bolatpen salystyrǵanda áldeqaıda tómen. 7000 serııaly alıýmınıı ashyq jyltyr túsimen jáne qospasyz ári aqaýsyz birkelki tegistigimen erekshelenedi. Jańa iPhone 6S jáne iPhone 6S Plus smartfondary bıylǵy jyldyń qyrkúıek aıynda kópshilikke usynylady, dep kútilip otyr. Korpýsynyń beriktiginen basqa, olar A9 qýatty protsessorymen jabdyqtalmaq.
