Jańa iPhone men iPad jarııa etiletin kún belgili boldy
ASTANA. QazAqparat - Apple 21 naýryzda Kalıfornııa shtatynyń Kýpertıno qalasynda ótetin sharaǵa jýrnalısterdi shaqyrdy. Onda kompanııanyń smartfony men planshetiniń jańa modelderi jurt nazaryna usynylady, dep habarlaıdy reseılik RBK agenttigi.
21 naýryzda Apple kópshilikke jańa ónimderi - iPhone SE (special edition - arnaıy nusqa) men iPad-tyń jańǵyrtylǵan nusqalaryn tanystyrady.
iPhone SE smartfony iPhone 5S telefonyna uqsaıdy, biraq barlyq jaǵynan jaqsartylǵan. Kompanııanyń ekinshi gadjet - iPad planshetiniń jańa nusqasy. Basynda iPad Air 2 shyǵady dep kútilgen, alaıda keıinirek taraǵan málimetke sensek, 21 naýryzda jurtqa jańa iPad Pro nusqasy tanystyrylatyny anyqtaldy. Onda stılýs taıaqsha, almaly-salmaly pernetaqta bolady.
