Jańa iPhone 7 smartfony betindegi basty batyrmasy joq
ASTANA. QazAqparat - Áleýmettik jelide áli kópshilik nazaryna usynylmaǵan iPhone 7 smartfonynyń jasyryn túsirilgen sýreti shyqty.
Fotony qytaıdaǵy áleýmettik jelilerdiń biriniń paıdalanýshysy jarııa etti.
Sýrette apparattyń artqy paneli aıtarlyqtaı ózgermegeni kórinedi. Onda buryn habarlanǵan qos foto túsirý modýli ornalasqan. Al iPhone 7 smartfonynyń betki jaǵynda «keri qaıtý» batyrmasy joq bolyp shyqty.
Sýretke qosa berilgen jazbada «keri qaıtý» batyrmasy qorǵanys áıneginiń astynda qalǵany jazylǵan. Sol jerde saýsaq izin tanıtyn Touch ID sensory da bar, dep jazdy AppleInsider.
Jurt jańa smartfonda qulaqqapqa qosýǵa arnalǵan 3,5-mm jalǵaǵyshy qaldyryldy ma dep alańdaýda. Biraq ol myna sýrette kórinbeıdi.
21 naýryzda Apple jańa ónimderin tanystyrady, alaıda onyń ishinde iPhone 7 bola ma, ol jaǵy belgisiz. Ádette kompanııa jańa flagmanyn kúzde shyǵarady. 
