Jańa iPad qazan aıynyń ortasynda tanystyrylmaq
ASTANA. QazAqparat - Jańa iPad planshetteriniń BAQ ókilderine arnalǵan tusaýkeseri 16 qazan kúni uıymdastyrylady dep kútilýde, dep habarlaıdy The Wall Street Journal.
Kompanııa buqaralyq aqparat quraldary úshin arnaıy shara uıymdastyryp otyr. Bul baǵdarlamanyń basty ózegi jańa iPad planshetterin tanystyrý bolmaq. Sondaı-aq jýrnalıster qaýymyna jańa iMac kompıýterleri, Yosemite operatsııalyq júıesi jáne Apple Pay tólem júıesi pash etilmek. Budan buryn habarlanǵandaı, Apple jańa iPad-ty altyn tústes etip shyǵarmaq. Ol osyǵan deıin iPhone 5s smartfonyn "altyn jalatylǵan" túrde shyǵarǵan edi.
