Jańa ınnovatsııalyq jobany júzege asyrý isinde Nazarbaev ýnıversıtetiniń róli zor bolmaq - Vıtse-Premer

azannyń 6-sy. QazAqparat /Aıdar Ospanalıev/ - Elimizde jańa ınnovatsııalyq jobany júzege asyrý isinde Astanadaǵy Nazarbaev ýnıversıtetiniń atqaratyn róli zor bolmaq. Bul týraly búgin «Tehnologııalardy kommertsıalızatsııalaý» jobasyn Astana qalasynda iske qosýǵa arnalǵan sımpozıým barysynda Premer-Mınıstrdiń orynbasary Erbol Orynbaev málim etti.

Onyń sózine qaraǵanda, Memleket basshysynyń bastamasymen dúnıege kelgen halyqaralyq deńgeıdegi ǵylymı-zertteý ýnıversıteti - Eýrazııa keńistigindegi jetekshi oqý oryndarynyń biri bolýy kerek jáne ol básekege qabiletti adam kapıtalyn damytyp, elimizdiń ǵylymı áleýetin arttyrýǵa ózindik úlesin qosýy tıis. «Álemdik deńgeıdegi ýnıversıtetter ádette óziniń ǵylymnyń túrli salalaryndaǵy zertteýlerimen tanymal. Al Nazarbaev ýnıversıteti zertteý ýnıversıteti bolýy tıis. Onyń aıasynda qazir 3 ǵylymı ortalyq ashylady dep kútilýde. Qazirgi tańda bul baǵytta úlken jumystar atqarylýda. Ýnıversıtettiń sheteldik áriptesteri az emes. Menińshe, biz aldaǵy ýaqytta atalmysh oqý ornyn úlken bıikterge kóteremiz», dedi Úkimet basshysynyń orynbasary.