Jańa Gvıneıada janartaý atqylap, 6 eldi mekendi kúl basyp qaldy
NUR-SULTAN. QazAqparat - Janartaýdyń atqylaýy Papýanyń soltústik-shyǵys jaǵalaýy - Jańa Gvıneıadaǵy Manam aralynda bastaldy. Bul jaıly juma kúni avstralııalyq AVS teleradıokorporatsııasy habarlady.
Janartaýdyń jergilikti ýaqyt boıynsha shamamen 01:00 saǵatta atqylady, saldarynan alty eldi mekendi kúl basyp qalǵan. Papýa - Jańa Gvıneıa premer-mınıstri Djeıms Marape zardap shekken turǵyndarǵa kómek kórsetý úshin ulttyq armııany tartýǵa sheshim qabyldady. Alaıda Manam araly shalǵaıda ornalasqandyqtan, ondaǵy turǵyndarǵa kórsetiletin kómek sál keshigip jetýi múmkin. Onda barlyǵy 9 myń adam turady.
Jańa Brıtanııa aralyndaǵy sársenbi kúngi Ýlavýn janartaýynyń atqylaýynan keıin taıaý mańdaǵy eldi mekenderden 15 myń adam evakýatsııalandy. Janartaý oshaǵynyń batysynda ornalasqan Hoskıns áýejaıy jabyldy jáne tabıǵı apat bolǵan aýmaq arqyly ótetin áýe baılanysy toqtatyldy. Atqylaý saldarynan aspanǵa kóterilgen kúl 18 kılometrge deıin jetti.
