Jańa gadjet balany vıdeooıyndarǵa bola ashýlanbaýǵa úıretedi
ASTANA. 26 qańtar. QazAqparat - Dızaıner Sem Metson vıdeooıynshylardyń ashýlanshaqtyǵyn qalaı basýǵa bolatynyn oılap tapty.
Immersion - symsyz Bluetooth-garnıtýrasy, ol adamnyń júrek qaǵysyn belgilep otyrady. Onyń prıntsıpi mynandaı: eger oıynshy oıyn barysynda bir jerden súrinip, ony qaıtadan birneshe ret oınaı berse, onyń tamyr soǵýy jıilep, qurylǵy oıyndy odan saıyn kúrdelendire túsedi. Bul, bir jaǵynan, qısynsyz bolyp kórinýi múmkin, onyń túpki maqsaty mynada: bul ádis oıynshyǵa óz ashýyn ustaýǵa úıretedi. Sebebi adam ashýlanǵan saıyn, oıyndy jeńý múmkindigi azaıa túsedi. Demek ol jeńý úshin ózin-ózi ustaýǵa tyrysady. Immersion ázirge satylymǵa shyqqan joq. Oǵan qosa, oıynshylardyń qurylǵynyń bul qyzmetin qalaı qabyldaıtyny ázirge belgisiz.
