Jańa ferroqorytpa zaýytynyń qýattylyǵy jylyna 400 myń tonnaǵa jetedi - Aqtóbe oblysy

ASTANA. 20 mamyr. QazAqparat - Aqtóbe oblysyndaǵy «Qazhrom» Transulttyq kompanııasy» AQ ÚIID baǵdarlamasynyń aıasynda jańa ferroqorytpa zaýytynyń qurylysyn salý  jónindegi ınvestıtsııalyq jobany júzege asyrýda,

dep habarlaıdy pm.kz  saıty

Bul joba joǵary kómirtekti ferrohrom óndirisine álemde balamasy joq ınnovatsııalyq tehnologııa engizedi, sondaı-aq óndiriste eń ozyq elektrqurylǵylar men avtomattandyrý júıeleri jáne únemi toqpen jumys isteıtin peshter paıdalanylady.

Jobanyń júzege asyrylýy ónimniń ózindik qunyn tómendetip, joǵary kómirtekti ferrohrom ónimin shyǵarýdaǵy respýblıkamyzdyń eksporttyq áleýtin 16 paıyzǵa, Aqtóbe oblysynyń eksporttyq áleýetin 46 paıyzǵa arttyra otyryp, taýar sanyn kóbeıtýge jol ashady.

Bolashaqta ashylatyn ferroqorytpa zaýytynyń qýattylyǵy jylyna 400 myń tonna ferrohrom shyǵarýǵa jetedi. Kapıtaldy salym kólemi 750 mln. AQSh dollaryn quraıdy. Joba qurylysy 2013 jyly aıaqtalady.

Aqtóbe oblysynda 2010 jyly  Indýstrııalandyrý kartasynyń  aıasynda109,8 mlrd. teńge somanyń  24 nysany iske qosyldy jáne 5,4  myń jumys orny quryldy.