Jańa eskertkish monetalar aınalymǵa shyqty - QR Ulttyq banki
ASTANA. QazAqparat - T.G. Shevchenkonyń 200 jyldyǵyna arnalǵan eskertkish monetalar aınalymǵa shyqty. Bul týraly QR Ulttyq banktiń baspasóz qyzmetinen habarlady.
«Qazaqstan Respýblıkasynyń Ulttyq Banki 2014 jylǵy 12 qyrkúıekten bastap nomınaldyq quny 500 teńgelik, «rroof» sapaly kúmisten jáne nomınaldyq quny 50 teńgelik neızılber qospasynan T.G. Shevchenkonyń 200 jyldyǵyna arnalǵan eskertkish monetalardy aınalysqa shyǵarý týraly habarlaıdy», - dep jazylǵan habarlamada.
Kúmis moneta men neızılber qospasynan jasalǵan monetanyń bet jáne syrt jaqtaryndaǵy beıneler birdeı. «Rroof» sapaly kúmis monetadaǵy beıne jyltyr betke salynǵan.
Nomınaldyq quny 500 teńgelik jáne 50 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.
Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi № 1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan eskertkish monetalar kollektsııalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan.
Neızılber qospasynan jasalǵan eskertkish monetalardyń ár túriniń alty myń danasy jaqsartylǵan sapamen daıyndalǵan jáne satý úshin arnaıy plastıkalyq termovakýýmdy oraýǵa salynǵan.
