Jańa erejege sáıkes, oqýlyqtar ár tórt jylǵa ǵana jaramdy bolyp tanylady
ASTANA. 20 qarasha. QazAqparat -Bilim jáne ǵylym mınıstrligi taarpynan qabyldanǵan erejege sáıkes, jańadan shyǵarylatyn oqýlyqtar árbir tórt jylǵa ǵana jaramdy bolady. Bul týraly búgin QR Parlamenti Májilisiniń Áleýmettik-mádenı damý komıtetiniń keńeıtilgen otyrysynda elimizdiń bilim salasyn oqýlyqtarmen qamtamasyz etý máselesin talqylaý barysynda Bilim jáne ǵylym vıtse-mınıstri Murat Ábenov málim etti.
«Jańa erejege sáıkes, oqýlyqtar baspadan shyǵarýǵa tek ol memlekettik saraptamadan ótkennen keıin ǵana joldanady. Bul rette balama oqýlyqtar paıdalanylady. Memleket sonymen qatar, budan bylaı oqýlyqtar ázirleý men olardy basyp shyǵarý isine aralaspaıtyn bolady (memlekettik tapsyrysty qospaǵanda). ıAǵnı, oqýlyqtar jekemenshik baspalardan shyǵarylady. Sonymen qatar, Bilim jáne ǵylym mınıstrligi maquldap, oqý protsesine paıdalanýǵa usynylǵan oqýlyqtar men oqý-ádistemelik quraldar tizbesi tek 4 oqý jylyna jaramdy bolady», - deıdi vıtse-mınıstr.
Onyń aıtýynsha, jańa erejege sáıkes, avtorlar toby 4 jylda bir ret oqýlyqtarǵa ózgerister engizip otyrady. Buǵan deıin osy másele júıelendirilmegen edi. «Ekinshiden, barlyq daıarlaý jumystary jekemenshik uıymdarǵa berilip, memleket buǵan qarjy shyǵyndamaıdy. Memleket tek qana oqýlyq sapasyn qadaǵalap, olarǵa engiziletin ózgeristerdi jarııalap otyrady. Máselen, bıyl 2-9 synyptar bolsa, kelesi jyly 3-10 synyptar oqýlyqtaryna ózgerister engiziledi degen sekildi. Bul 4 jyldyq kezeńde jekemenshik baspalar ózderiniń jobalaryn daıarlaıdy. Keıinnen qańtar men shilde aılary arasynda oqýlyqtar memlekettik saraptamaǵa alynady. Saraptama 60 kúndik merzim ishinde óz qorytyndysyn shyǵaryp beredi», - deıdi M. Ábenov.
