Jańa Eńbek kodeksiniń jobasy Parlament Májilisiniń qaraýyna engizildi - QR DSÁDM
Onyń sózine qaraǵanda, jańa Eńbek kodeksin daıyndaýǵa bıznes qaýymdastyqtardyń, Ulttyq kásipkerler palatasynyń, respýblıkalyq jáne salalyq kásipodaqtardyń, eńbek zańy salasy ǵalymdarynyń, Halyqaralyq eńbek uıymy ókilderiniń jáne Dúnıejúzilik banktiń múddelerin qorǵaıtyn sarapshylar qatysty. Jumys tobynyń 20-dan astam otyrysy ótkizildi.
«Búginde Kodekstiń jobasy Parlament Májilisiniń qaraýyna engizildi. Jańa Eńbek kodeksiniń tujyrymdamalyq modeli taraptardyń múddeler tepe-teńdigin saqtaı otyryp, olardyń jaýapkershiligi men rólin aıqyndap, jumys berýshi men qyzmetkerdiń eńbek qatynastaryna memleket tarapynan aralasýyn shegin naqty anyqtaýdy usynady. Memleket jumyskerlerge beriletin kepildeme men ótemaqynyń eń tómengi deńgeıdegi eńbek standarttaryn anyqtap, jumys berýshi taraptarynyń bul mindettemelerdi oryndaýyn qatań baqylaıtyn bolady. Jumys berýshi men qyzmetkerdiń eńbek qatynastary kóp jaǵdaıda jaldaý, kadrlardyń ornyn aýystyrý, jumysshyny jumystan bosatý, jumys ýaqyty, eńbek sharttary men onyń tólemaqysy salalaryndaǵy ózara kelisim jasaý jáne ujymdyq sharttardyń áleýetin kúsheıte otyryp, ózin-ózi retteý qaǵıdalaryna saı júzege asyrylatyn bolady», - dep habarlady Birjan Nurymbetov.
Vedomstvo málimetinshe, Kodeks jobasynda jumys berýshiler úshin jaldaý, kadrlardyń ornyn aýystyrý, qyzmetkerdi jumystan bosatý, eńbek sharttary men onyń tólemaqysyn anyqtaý sharalary jeńildetilgen.
Sondaı-aq, negizgi eńbek kepildemeleri men qyzmetkerlerdiń quqyqtary bekitilip, olardy ujymdyq, jeke sharttar men kelisimderdi jasaý jáne qyzmetkerlerdiń quqyqtary men múddelerin qorǵaıtyn quraldar arqyly ulǵaıtý múmkindigi qarastyrylǵan. Qyzmetkerlerdiń quqyqtary men múddelerin qorǵaý maqsatynda kásipodaqtardyń róli keńeıtildi, onyń ishinde jaqynda qabyldanǵan «Kásipodaqtar týraly» Zańda qarastyrylǵan múmkindikter de esepke alyndy.