Jańa ekshn-fılm túsiriledi
ASTANA. 16 tamyz. QazAqparat - Qazaqstandyq rejısser Jorabek Musabaev áıgili Tımýr Bekmambetovtyń izin qýyp, ekshn-fılm túsirýdi qolǵa aldy. Jańa kınokartına «Bul osyndaı ómir» dep atalady. Bul jaıynda «Aıqyn» basylymynyń búgingi sanynda jazylǵan.
Fılosofııalyq maǵynaǵa ıe fılm ekshn janrynda túsirilmek. Basty róldi rejısserdiń ózi somdaıdy. Kınofılm «ózgege or qazba, óziń túsesiń» degen tereń maǵynany kórermenderge uǵyndyrýdy maqsat tutyp otyr. Fılmniń negizgi bıýdjeti 50 mıllıon teńgeni quraıdy. Tipti tyń kartınaǵa ózbekstandyq mamandar da tartylyp otyr. Fılmniń túsirý jumystary shyraıly Shymkentten bastaý alyp, Almatyda jalǵasyn tabady. Al qyrkúıek aıynyń sońynda kınokartına kórermenge jol tartady.
