10:29, 12 Sáýir 2021 | GMT +6
Jańa Ekologııalyq kodeks máseleleri boıynsha «jedel jeli» iske qosyldy
NUR-SULTAN. QazAqparat - QR Ekologııa, geologııa jáne tabıǵı resýrstar mınıstrligi jańa Ekologııalyq kodekstiń normalaryn qoldanysqa engizýge baılanysty barlyq suraqtarǵa tez arada jaýap berýge arnalǵan «jedel jelini» iske qosty.
Bul Ekokodekstiń jańalyqtary týraly tolyq aqparat alýda halyqqa yńǵaıly bolý úshin jasaldy. Baılanys nomerleri : +7 778 888 11 57/ +7 7172 740218.
Azamattar resmı suraý jibermeı-aq, «jedel jelige» júginý arqyly qujattyń baptaryna, tarmaqtary men normalaryna qatysty túsinikteme ala alady. «Jedel jeli» jumys kúnderi saǵat 18.30-ǵa deıin jumys isteıdi.
Esterińizge sala keteıik, 2021 jyldyń 2 qańtarynda Memleket basshysy jańa Ekologııalyq kodekske qol qoıdy. Qujat ómir súrýge qolaıly ortany qamtamasyz etý, sondaı-aq qorshaǵan ortany qorǵaý salasyndaǵy kásipkerlik qyzmetti retteý maqsatynda adamnyń ómiri men densaýlyǵyna erekshe nazar aýdarady.
