Jańa Ekologııalyq kodeks: Іri kásiporyndar ekomonıtorıng júıesimen jabdyqtalady

NUR-SULTAN. QazAqparat - Barlyq iri lastaýshy kásiporyndar jańa Ekologııalyq kodekstiń normalaryna sáıkes óndiristik ekologııalyq monıtorınginiń avtomattandyrylǵan júıesimen jaraqtandyrylatyn bolady. Bul týraly QR ekologııa, geologııa jáne tabıǵı resýrstar mınıstri Maǵzum Myrzaǵalıev Almaty turǵyndarymen kezdesý barysynda málim etti.

Onyń aıtýynsha, Air quality index (aýa sapasynyń ındeksi) kórsetiletin júıeden alynǵan derekter tikeleı ýákiletti organǵa kelip túsetin bolady.

«Lastanýdyń sebepteri men aýa sapasy týraly jedel aqparat alý úshin Ekologııalyq kodekske monıtorıngtiń avtomattandyrylǵan júıesi boıynsha norma engizilgen. ıAǵnı, barlyq iri kásiporyndar tıisti tehnologııalarmen jabdyqtalýy kerek. Bul málimetter ashyq jáne qoljetimdi bolady», - dep atap ótti mınıstr.

«Talap» qoldanbaly zertteýler ortalyǵynyń dırektory Rahym Oshaqbaev ta osy bastamany qoldaıtynyn jetkizdi.

«Qazaqstanda Air quality index qoldaný qajet. Bul máselede maqsatty turaqty damý ádistemesin qoldanýǵa bolady jáne aýa sapasynyń ındeksi bekitilgen standarttardan asatyn kúnder sanyn anyqtaýǵa bolady. Bul jerde halyqaralyq tájirıbeni de zerdeleý mańyzdy. Aýa sapasynyń jaı-kúıi týraly aqparat halyqqa ǵylymı emes, túsinikti tilde berilýi tıis», - dep atap ótti sarapshy.

Esterińizge sala keteıik, Almatyda qala turǵyndaryna jańa Ekologııalyq kodekstiń normalaryn túsindirý boıynsha jumys kezdesýi ótti. Kezdesýge qoǵamdyq birlestik, ákimdik jáne BAQ ókilderi, ekobelsendiler, kásipkerler qatysty. Qaladaǵy aýa sapasy jáne ekologııanyń basqa da máseleleri alǵash ret ashyq formatta talqylandy.

Qazaqstan Respýblıkasy Ekologııa, geologııa jáne tabıǵı resýrstar mınıstrliginiń baspasóz qyzmeti