Jańa ekologııalyq kodeks aıasynda 10 mln qazaqstandyq gazdyń ıgiligin kóredi
«Aýqymdy energetıkalyq ózgeristerge daıyndalý úshin biz jańa ekologııalyq kodeks qabyldadyq. Ol ozyq álemdik standarttarǵa sáıkes keledi. Kásiporyndardy ekologııalyq tólemderden tolyq bosatý esebinen óndiristi jańǵyrtýǵa múmkindik berildi», - dedi Qasym-Jomart Toqaev «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptyǵy» atty halyqaralyq konferentsııada.
Sondaı-aq, Prezıdent búginge deıin el astanasyn gazǵa jalǵaý jobasy balama qýat kózin tutynatyn azamattardyń sanyn arttyrǵanyn atady.
«Biz parnıktik gazdar shyǵaryndylaryna kvotalar saýdasynyń ulttyq júıesin qaıta quryp, ony tıisti halyqaralyq júıelermen úılestirip jatyrmyz. Gaz kómirge qaraǵanda «jasyl» balama otyn bolyp otyr. Elde aýqymdy gazdandyrý júrgizildi. Búginde bizdiń 10 mıllıonǵa jýyq azamattarymyz senimdi jáne ekologııalyq taza otynǵa qol jetkize alady. Almaty, Nur-Sultan, Qaraǵandy sıaıqty iri qalalarda biz jylý elektr stantsııalaryn kómirden gazǵa kóshirý boıynsha aýqymdy jobalardy júzege asyryp jatyrmyz», - dep túıindedi Prezıdent.
