Jańa dáýirde damýdy alǵa jeteleıtin adamdardy tárbıeleý kerek - Darıǵa Nazarbaeva
"Aqparattyq-kommýnıkatsııalyq tehnologııalardyń buryndary bolmaǵan damý qarqyny kóptegen tarıhı qalyptasqan qundylyqtar men stereotıpterge jańasha qaraýǵa májbúrlep otyr. Olar qazirgi zamanǵy adamnyń oı-pikiriniń beınesin qalyptastyrady, shekaralardy joıyp, álemniń ashyqtyǵyn arttyra túsedi, sonymen birge onyń osal tustaryn kórsetedi",-dep toqtaldy senator.
D. Nazarbaevanyń paıymynsha, jańa úılesimdi álemdi tar dúnıetanymda, teris qalypta jáne pessımızmde qurý múmkin emes. Osy oraıda myqty adamdardyń jańa býynyn tárbıeleý kerek, sebebi olarǵa ótken kezeńdegi tarıhı renishter men tragedııalar alǵa jyljýǵa kedergi jasamaıtyn bolady.
"Bıyl biz konferentsııany ótkizý kúnin arnaıy ózgerttik. Ondaǵy maqsatymyz, sizderge Bolashaqtyń energııasy salasyndaǵy álemdegi qyzyqty jetistiktermen tanysýǵa múmkindik berý bolatyn. Bizdiń el úshin mundaı úlken sharany ótkizý - maqtanysh qana emes, ol ulttyq ekonomıkanyń barlyq salasynyń damýynyń katalızatory bolady dep senemiz. Qurmetti qonaqtar, bizdiń qýanyshymyzdy bólisýge kelgenderińiz úshin qýanyshtymyn. Jaqsy dostarmen qýanyshty bólisý ony birneshe ese kóbeıte túsedi. XIV Eýrazııalyq medıa forýmnyń jumys kúnderinde pikirtalastarǵa qurmetti qonaqtar qatysady. Olar Túrkııanyń 11-i prezıdenti Abdolla Gúl, Eýropalyq komıssııanyń burynǵy tóraǵasy Joze Manýel Barrozý, AQSh-tyń BUU-daǵy burynǵy elshisi, AQSh-tyń burynǵy energetıka mınıstri Bıll Rıchardson, Izraıl Premer-Mınıstri Ákimshiliginiń burynǵy basshysy, kelissózder boıynsha bas maman Gılad Sher, álemniń eń jas kóshbasshylarynyń biri Parag Hanna, Beıbitshilik salasyndaǵy Nobel syılyǵynyń laýreaty Radjendra Pachaýrı, jýyrda óziniń tamasha energııasymen barlyq ınternet-keńistikti «jarǵan» «bıshi-mıllıoner» Djanlýkka Vakkı jáne basqa da mańyzdy jáne esimderi áıgili tulǵalar bar",-dep toqtaldy D. Nazarbaeva.
Osy oraıda ol konferentsııa jumysyna qatysýǵa shaqyrýdy qabyldaǵan meımandarǵa alǵysyn jetkizdi.
