Jańa tsıfrlyq qujatty eGov Mobile mobıldi qosymshasynan alýǵa bolady

ASTANA. QazAqparat - eGov Mobile mobıldi qosymshasynda jańa tsıfrlyq qujat – «Kolledj dıplomy» qoljetimdi, dep habarlaıdy QazAqparat Memlekettik qyzmetter jáne onlaıyn aqparat portalyna silteme jasap.

Kolledj dıplomy - arnaýly orta bilimniń bar ekendigin kýálandyratyn qujat. Endi osy tsıfrlyq qujatty eGov Mobile qosymshasy ornatylǵan smartfonmen elektrondy túrde usynýǵa bolady.

«eGov mobile qosymshasynyń jetistikteriniń biri – «Tsıfrlyq qujattar» servısi bolyp sanalady. Osy servıstiń kómegimen qoldanýshylar tsıfrlyq qujattardy árqashan uıaly telefonnan kórsete alady. Endi kolledj túlekteri eGov Mobile qosymshasy arqyly qujatty tsıfrlyq formatta qoldana alady. Osyǵan deıin eGov mobile paıdalanýshylary úshin joǵary oqý oryndarynyń dıplomdary mobıldi qosymsha arqyly qoljetimdi boldy. Bul qajetti qujattardy alý jáne usyný protsesin edáýir jeńildetedi», - dep atap ótti «Ulttyq aqparattyq tehnologııalar» AQ Basqarma tóraǵasy Rostıslav Konıashkın.

Tsıfrlyq qujatty qoldaný úshin eGov mobile qosymshasynyń basty betinde «Tsıfrlyq qujattar» servısin tańdaý kerek. Paıdalanýshy qujatpen QR kod nemese 6 tańbaly kod arqyly bólise alady. (1-sýret).

Tsıfrlyq qujat - túpnusqa qujattyń analogy. Qazirgi ýaqytta «Tsıfrlyq qujattar» servısinde 27 qujat qoljetimdi: onyń ishinde jeke kýálik, júrgizýshi kýáligi, QR azamatynyń pasporty jáne basqalary bar.

«Siz mobıldi qosymshany iOS júıesiniń paıdalanýshylary úshin App Store platformasynan, sondaı-aq Android júıesiniń paıdalanýshylary úshin Play Market jáne App Gallery-den júkteı alasyz.

Qyzmet QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń, QR Oqý-aǵartý mınıstrligi jáne «Ulttyq aqparattyq tehnologııalar» AQ jumysynyń arqasynda iske asyryldy»,-delingen habarlamada.