Jańa Bıýdjet kodeksi Parlamenttiń qaraýyna engiziledi
Ulttyq qordyń qarjysy tek mańyzdy ınfraqurylymdyq, strategııalyq jáne jalpyhalyqtyq jobalardy qarjylandyrýǵa baǵyttalady. Bul týraly Úkimet otyrysynda Premer-Mınıstr Álıhan Smaıylov málim etti, dep habarlaıdy QazAqparat tilshisi.
«Ulttyq qorǵa keletin bolsaq, Memleket basshysynyń tapsyrmasyna sáıkes odan túsken qarajat óte mańyzdy ınfraqurylymdy, strategııalyq jáne jalpyhalyqtyq jobalardy ǵana qarjylandyrýǵa baǵyttalady. Jańa Bıýdjet kodeksi memlekettik ekonomıkalyq saıasattyń basty quralyna aınalýy tıis. Ol Prezıdent belgilep bergen áleýmettik-ekonomıkalyq damý mindetterin iske asyrýǵa yqpal etetin bolady. Jalpy, kodeks búgingi kún talaptaryna saı keledi. Sondaı-aq, únemdi jáne jaýapty bıýdjettik saıasatty iske asyrýǵa múmkindik beredi», - dedi Álıhan Smaıylov.
Jańa Bıýdjet kodeksiniń jobasy talqylanǵan soń Úkimet músheleri qujatty Parlamenttiń qaraýyna engizedi.
