Jańa Bas múftı alǵashqy juma namazyn ótkizdi
ASTANA. 22 aqpan. QazAqparat - Búgin Qazaqstan musylmandary dinı basqarmasynyń tóraǵasy, Bas múftı Erjan qajy Maıamerov haziret Almaty qalasy Ortalyq meshitinde jamaǵatpen júzdesip, minberde ýaǵyz aıtty.
QMDB málimetterine qaraǵanda, Erjan qajy Malǵajyuly Islam dinindegi úılený, úı bolý ádepterin sóz etti. Dinbasy shańyraqtyń shaıqalýy men ajyrasýlardyń beleń alýyna ımannyń álsireýi tikeleı áser etetinin qaperge saldy.
Sheıh Ábsattar qajy Derbisáli jamaǵatqa jańa múftı - Erjan qajy Malǵajyulyn tanystyryp, jumysyna ıgilikter men bereke tilep, batasyn berdi.
Erjan qajy Maıamerov Ábsattar qajy Derbisáliniń dinı basqarmada atqarǵan 13 jyldyq ıgi de izgi isterine alǵysyn bildire kele, qalyptasqan qazaqy dástúrge saı, ıyǵyna shapan jaýyp, avtokólik kiltin tabystady.
Esterińizge sala keteıik, 19 aqpanda elordada ótken Qazaqstan musylmandary VII quryltaıynda Qazaqstan musylmandary Dinı basqarmasynyń tóraǵasy bolyp Erjan Maıamerov saılandy.
