Jańa baǵyt, batyl jáne nyq qadamdardyń ýaqyty keldi - Qazaqstan stýdentteri alıansy
ASTANA. QazAqparat - Qazaqstan stýdentteri alıansy Qazaqstan Respýblıkasy Prezıdentiniń «Qazaqstan jańa jahandyq naqty ahýalda: ósim, reformalar, damý» atty Joldaýyn qoldaýǵa baılanysty málimdeme jasady.
«Barlyq zamanda stýdent jastar halyqtyń eń bastamashyl qaýymy bolǵany barlyǵymyzǵa málim. Táýelsiz elimizdiń tuǵyrynda Elbasy stýdent jastardyń damýyna úlken qoldaý kórsetken bolatyn. Aıta ketsek, álemde teńdesi joq "Bolashaq stıpendıattary" baǵdarlamasy, memleket qarajatyna jastarǵa shet elderde bilim alýǵa múmkindik berdi. Daryndy oqýshylarǵa arnalǵan "Nazarbaev zııatkerlik mektepteri" básekege qabiletti tulǵalardy daıyndaýǵa yqpal etti. Bul tek Elbasymyzdyń qoldaýymen iske asqan baǵdarlamalardyń azǵantaı ǵana bóligi. Atalmysh jobalar qazirgi tańda óz jemisterin berip keledi. Bul QR Prezıdentiniń kóregendiginiń arqasynda.
Elbasy óz úndeýinde "Qazir zamannyń dıdary ózgerdi. Sol sebepti, memlekettiń basqarý júıesin de jańǵyrtatyn kez keldi. Men eldiń múddesi men zamannyń talabyn, urpaqtyń bolashaǵyn oılaı otyryp osyndaı baılam jasadym" - degen bolatyn.
Buny biz zamanǵa saı jańa baǵyt, batyl jáne nyq qadamdardyń ýaqyty keldi dep túsinemiz, delingen úndeýde.
"Qazaqstan stýdentteriniń Alıansy" bılik tarmaqtary arasynda ókilettikterdi qaıta bólý máseleleri jónindegi Memleket basshysynyń úndeýin tolyqtaı qoldaıdy. Jáne atalmysh reforma óz jemisterin beretinine, basqa da shet elderge úlgi bolatynyna senemiz»,- delingen málimdemede.
