Jańa avtogaz quıý stantsııalary syıymdylyqtardy jer astyna ornalastyrýǵa mindetteledi — zań jobasy

ASTANA. KAZINFORM — Jańa avtogaz quıý stantsııalary syıymdylyqtardy jer astyna ornalastyrýǵa mindetteledi. Bul týraly Májilistiń jalpy otyrysynda gazben jabdyqtaý jáne gazdy únemdi tutyný máseleleri boıynsha zań jobasyn tanystyrǵan depýtat Edil Jańbyrshın aıtty.

— Taǵy bir mańyzdy másele — avtogaz quıý stantsııalarynyń qaýipsizdigi erekshe alańdaýshylyq týǵyzady. 3 000 avtogaz quıý stantsııasynyń 90 paıyzynyń syıymdylyqtary jer ústinde ornalasqan, onyń ishinde modýldik stantsııalarda bar. Dál osyndaı stantsııalarda 2025 jyly Túrkistan jáne Atyraý oblystarynda jarylystar bolyp, azamattardyń qaza bolýyna ákeldi, — dedi Edil Jańbyrshyn.

Osyǵan oraı depýtat qaýipsizdikti qamtamasyz etý maqsatynda zań jobasynda mynadaı usynystar bar ekenin atap ótti:

— jańa avtogaz quıý stantsııalary úshin syıymdylyqtardy jer astyna ornalastyrýdy mindetteý;
— qoldanystaǵy stantsııalar úshin 2031 jylǵy 1 qańtarǵa deıin syıymdylyqtardy jer astyna kóshirý jóninde ótpeli kezeń belgileý;
— zańnamada belgilenbegen oryndarda kólik quraldary men turmystyq ballondardy gazben toltyrýǵa tyıym salý usynylady.

Aıta keteıik, taýarlyq gazdy únemdep paıdalaný mádenıetin qalyptastyrýǵa, sondaı-aq jeke jáne kommýnaldyq tutynýshylar úshin saralanǵan tarıf saıasatyn qurýǵa baǵyttalǵan zań jobasyna qatysty Edil Jańbyrshın Kazinform tilshisine suhbat bergen edi.