Jańa «Avatar» fılmin túsirýge 1 mlrd. dollar jumsalmaq
ASTANA. QazAqparat - Jańa «Avatar» fılmin túsirýge 1 mlrd. dollar jaratylmaq.
Rejısser Djeıms Kemeron úsh ǵylymı-fantastıkalyq "Avatar" (Avatar) fılmin túsirýge shamamen 1 mlrd. dollar jaratatyn bolady. Brıtandyq BAQ derekterine qaraǵanda, jobany júzege asyrýǵa jıyrma jyl ýaqyt qajet.
Úsh kınolentanyń túsirilimi aǵymdaǵy jyly bir ýaqytta bastalady.
Al fılm jurtshylyqqa 2016 jyldan bastap 2018 jylǵa deıin ár Rojdestvo kezinde kórsetilmek.
Akterler Sem Ýortıngton pen Zoı Saldana bolashaqtaǵy úsh fılmge túsý úshin kelisimshartqa qol qoıdy.
Eske sala ketsek, alǵashqy "Avatar" 2009 jyly ekranǵa shyǵyp, álemdik prokatta 2,7 mlrd. dollar jınaǵan edi.
