Jańa aýdıohrestomatııanyń tusaýy kesildi
Bul jańa jobany QR Aqparat jáne mádenıet mınıstrliginiń Til komıteti usynyp otyr. Sharaǵa QR Aqparat jáne mádenıet mınıstrligi Til komıtetiniń tóraǵasy Maqsat Sqaqov, jazýshylar, Memlekettik syılyqtyń laýreattary Ákim Tarazı men Tólen Ábdik, QR bilim jáne ǵylym mınıstrligi Mektepke deıingi jáne orta bilim departamentiniń bas sarapshysy Roza Battal, QR-nyń eńbek sińirgen ártisi, ardager dıktor Saýyq Jaqanova, L.N.Gýmılev atyndaǵy Eýrazııalyq ulttyq ýnıversıtetiniń professory, fılologııa ǵylymdarynyń doktory Serik Negımov jáne ózge de qoǵam qaıratkerleri qatysty.
Joba avtorlarynyń aıtýynsha, aýdıohrestomatııaǵa bolashaqta elimizge belgili basqa da jazýshylardyń shyǵarmalary enip, olar ǵalamtorǵa ornalastyrylatyn bolady. Bul jobanyń negizgi maqsaty - oqýshylarymyz ben jastarymyzdyń estý zerdesin, ǵalamtor arqyly ádebıetti nasıhattaý. Mundaı joba sondaı-aq qazaq tiliniń damýyna da aıtarlyqtaı úlesin qospaq.
