Jańa astyqtyń sapalyq kórsetkishteri aıtarlyqtaı joǵary – Úkimet basshysy

NUR-SULTAN. QazAqparat - Jańa astyqtyń sapalyq kórsetkishteri aıtarlyqtaı joǵary. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Jańa astyqtyń sapalyq kórsetkishteri aıtarlyqtaı joǵary. Dánmańyzy 28 paıyzdan joǵary bıdaı kólemi - jınalǵan astyqtyń jalpy kóleminiń 74 paıyzyna jetti. Álemdik naryqta osyndaı sapasy joǵary bıdaıǵa suranys joǵary ekenin eskerý qajet. Forvardtyq satyp alý baǵdarlamasy aıasynda «Azyq-túlik korporatsııasyna» bıdaı jetkizýdi qamtamasyz etý kerek», - dedi Asqar Mamın.

Úkimet basshysy oblystardyń ákimdikteri men Aýyl sharýashylyǵy mınıstrligi egin jınaýdy asa qysqa merzimde aıaqtaý qajettigin basa aıtty.

«2022 jylǵa qajet bolatyn tuqym qaldyrýdy da qamtamasyz etsin. Indýstrııa mınıstrligi «Qazaqstan temir joly» kompanııasymen birge astyqty turaqty tasymaldaý úshin jyljymaly qurammen qamtamasyz etý is-sharalaryn qabyldasyn», - degen Premer-Mınıstr bul jumystardy jalpy úılestirý men baqylaýdy orynbasary Roman Sklıarǵa tapsyrdy.