Jańa asfalt úgitilip jatyr — Úkimet basshysy jol sapasy týraly
ASTANA. KAZINFORM — QR Premer-Mınıstri Oljas Bektenov jol sapasy jóninde turǵyndar shaǵymyna der kezinde nazar aýdarýdy tapsyrdy.
«Jol jaǵdaıyna qatysty aıtylyp jatqan aryz-shaǵymdar azaımaı otyr. Olardyń negizgi bóligi jergilikti joldarǵa qatysty. Mundaı mysaldar kóp», — dedi O. Bektenov Úkimet otyrysynda.
Máselen, Aqtóbe oblysy Muǵaljar aýdanynyń turǵyndary Juryn men Qarakól aýyldarynyń arasynda bıyl tóselgen asfalttyń sapasyn kórsetti — jańadan tóselgen asfalt qolmen ustaǵanda úgitilip jatyr.
Al Jetisý oblysy Kerbulaq aýdany Qoıankóz aýylynyń turǵyndary asfalt tóseý tehnologııasyn saqtamaǵan merdiger kompanııany jumysyn toqtatýǵa májbúr etti.
«Al ákimdikter qaıda, kúndelikti sapaly baqylamaı qaıda qarap otyr? Birinshi kezekte turǵyndardyń shaǵymyna der kezinde nazar aýdarý kerek», — dedi O. Bektenov.
Buǵan deıin Premer-Mınıstr sapasyz joldardy qabyldamaý keregin, tıisti aktilerdiń mindetti túrde bolýyn tapsyrǵan edi.
