«Jańa Almaty» keshendi jospary aıasynda 286 joba júzege asýda – Baqytjan Saǵyntaev
ALMATY. QazAqparat - Bıyl Almatyda «Jańa Almaty» keshendi jospary qala shetindegi máseleni sheshýge ǵana emes, ekonomıkalyq jaǵynan ósýge de baǵyttaldy. Bul týraly qala ákimi Baqytjan Saǵyntaev Instagram paraqshasynda jazdy, dep habarlaıdy QazAqparat tilshisi.
Qala ákiminiń málimetinshe, josparǵa sáıkes bıyl qalada 286 joba júzege asyrylyp jatsa, 73-in aldaǵy ýaqytta jasaý qarastyrylǵan. «Keshendi jospar aıaqtalǵan soń qala turǵyndarynyń negizgi qajettilikteri sheshimin tabady. ıAǵnı, ortalyqtandyrylǵan sýmen jabdyqtaý jáne sý burý júıesi, úzdiksiz energııa men gazben tolyq qamtamasyz etiledi»,-delingen habarlamada.
Eske salsaq, «Jańa Almaty» jobasy aıasynda Almatynyń Alataý aýdanynda ınjenerlik jeliler men jańa joldar salynyp jatqanyn jazǵan bolatynbyz. Ol kezde Alataý aýdany ákiminiń orynbasary Ádilet Toqtasynov eger joba sátti júzege asqan jaǵdaıda, 2024 jylǵa qaraı ınjenerlik jeliler máselesi tolyǵymen sheshiletinin málimdegen edi.
