«Jańa Almaty» baǵdarlamasy: Megapolıste ne ózgeredi
ALMATY. QazAqparat – Almaty qalasy ákiminiń baspasóz hatshysy Áset Muqajanov «Jańa Almaty» qalasyn damytýdyń 2020-2022 jyldarǵa arnalǵan uzaq merzimdi jospary týraly aıtty, dep habarlaıdy QazAqparat tilshisi.
Qala ákiminiń baspasóz hatshysy Áset Muqajanovtyń aıtýynsha, baǵdarlama aldaǵy birneshe jylǵa ázirlendi.
Baǵdarlamaǵa sáıkes, bilim, densaýlyq saqtaý jáne sport salalaryna – 285,4 mlrd teńge, qaýipsizdik pen tótenshe jaǵdaılardyń aldyn alýǵa 12,4 mlrd teńge bólý josparlanýda. Injenerlik, kóliktik ınfraqurylym men abattandyrý jumystaryna - 440,7 mlrd teńge, sondaı-aq bıznes orta men kásipkerlikti damytýǵa 69,4 mlrd teńge jeke ınvestıtsııa baǵyttalmaq.
Ákimdiktiń habarlaýynsha, jospardy iske asyrýdyń nátıjeleri ınjenerlik ınfraqurylymǵa áser etedi. ıAǵnı, 105 myń adam sapaly kommýnaldyq qyzmetke qol jetkizedi; halyqtyń qol jetimdiligi: ortalyqtandyrylǵan sýǵa – 98,7%, káriz júıesine 85,7% quraıdy; 1179 kóshe men 873 aýla jaryqtandyrylady; 3750 úı gazdandyrylyp, qala turǵyndarynyń 100% kógildir otynmen qamtamasyz etiledi.
Kólik ınfraqurylymynda: joldardyń sapasyn 80-85% deıin artpaq. Densaýlyq saqtaý salasynda: normatıvtik deńgeı 7 aýdannyń 1,6 mln turǵynyna shaqqanda 36,8 tósek-ornyna deıin artady; 4 aýdandaǵy 1 mıllıon turǵynǵa medıtsınalyq qyzmetterge qoljetimdilik kezeń-kezeńimen qamtamasyz etiledi; 4 aýdanda nysandardyń tozýy 25% tómendeıdi.
Qaýipsizdik jáne tótenshe jaǵdaılardyń aldyn alýda: 58 myń adam turatyn terrıtorııany jáne Alataý aýdanynyń Indýstrıaldy aımaǵyn qamtý; tehnıkalyq jabdyqtardy 48% deıin jaqsartý; qylmystyq jaǵdaıdyń jáne asa aýyr emes qylmystar sanyn 22,7%, ortasha aýyr 17,5%, asa aýyr qylmystardy 26,5% tómendetý josparlanǵan.
Bıznes orta men kásipkerlikti damytýda: qalanyń 7 aýdanynda jumys oryndaryn qurý: 2020 jyly - 25 748 jumys ornyn; 2021 jyly - 27,686 jumys ornyn; 2022 jyly 29 624 jumys ornyn ashý kózdelgen.
Josparly bilim berý jáne sport salasynda iske asyrý kezinde: mektepterdegi oryn tapshylyǵyn - 19 422-ge, balabaqshalarda 2500 orynǵa tómendetý; bir aýysymda dene shynyqtyrý-saýyqtyrý ortalyǵy 14 myń kelýshini qabyldaı alýyn qamtamasyz etý josparlanyp otyr.
Buǵan deıin, Almaty qalasynyń ákimi Baqytjan Saǵyntaev «Jańa Almaty» baǵdarlamasyn damytýǵa birneshe jyl ishinde 800 mıllıard teńge qajettigin aıtqan bolatyn.
